Ndërsa ka njoftuar se vdekshmëria në Spanjë ka rënë me 50% në raport me dy javë më parë, mjeku shqiptar Kita Sallabanda bëri me dije një tjetër fenomen të shfaqur së fundi. Është fjala për 50 fëmijë të moshës nën 5 vjeç, me sindromin e Kavasakit, të cikët rezultojnë të prekur nga Covid -19.
“Vdekshmëria është ulur 50 përqind krahasuar me javë përpra. Po të vish në spitalin tim sot, situata është gati normale, kate të tëra janë lehtësuar. Nuk ka ardhur asnjë i sëmurë i ri në spital, kështu që situata është shumë më e qetë. Një qetësi relative. Nuk kemi stresin që kemi patur deri tani”, tha mjeku.
Fevziu: Normalizimi i spitaleve do të ishte kusht për kthimin në jetën normale?
Sallabanda: Dy kushte kishim, qetësimi i spitaleve dhe shtim të kapaciteve nëse do të kishim një rikthim, tashmë këto dy kushte janë të plotësuara.
Fevziu: Spanja pati një valë të tmerrshme. Mund të themi që pjesa më e keqe ka kaluar?
Sallbanda: Absolutisht, në të 6 krahinat e jugut të Spanjës nuk kemi patur asnjë të sëmurë, të shtruar në spital dhe kjo është një e dhënë shumë e madhe. Përiqndja e të shëruarve është dyfish më shumë se sa ata që shtrohen në spital. Kemi patur 2 fenomene të reja. Të sëmurët që kanë dalë nga spitalet janë sikur ka kaluar një traktor mbi ta. Ka të sëmurë që kanë humbur 10-12 kile. Dhe sipas disa të dhënave jo shkencore të sëmurët në reanimacion kanë shkurtuar jetën 10 vjet, ndërsa ata në situata më të lehta kanë shkurtuar 2-3 vjet.
Fenomeni i dytë që jemi ndeshur është se kemi 50 fëmijë të shtruar në spital, me sindromin e Kavasakit, shoqëruar me COVID. Sindromi i Kavasakit është një inflamacion i enëve të gjakut dhe që jep një shok tek fëmijët, me probleme kardiake, dhimbje, barku, diarre, të vjella. Nga të dhënat e specialistëve ka rezultuar që këta fëmijë me sindromën e Kavasaskit janë të prekur nga COVID. Kemi 50 fëmijë nën moshën 5 vjeç. /Opinion.al
