Mjeku shqiptar Elson Gjoni tha se në Itali po mendohet që brenda dy javësh të provohet testimit serologjik, përmes analizës së gjakut. Është ky testim në masë që do të tregojë se cilët qytetarë kanë fituar antitrupa te koronavirusit, duke ndihmuar kështu në procesin e hapjes dhe levizjes.
“Një rregull tjetër është testimi serologjik që po mendohet të bëhet. Ky test do na japë mundësinë për të kuptuar cilët persona janë të imunizuar sepse kanë qenë në kontakt me virusin dhe do jenë këta persona që e kanë më të lehtë të dalin sepse janë më pak të rrezikuar nga virusi. Testimet që kryejmë me tampona janë shumë komplekse. Me testimet e gjakut që shpresojmë ta provojmë brenda dy javësh, mendohet të bëhen deri në 500 mijë testimë në ditë. Kjo do na ndihmojë për hapjen”, tha Gjoni./Opinion.al
