TIRANE- Mjekët e Urgjencës së Tiranës protestuan sot kundër vendimit për shkrirjen e këtij shërbimi shëndetësor. Ata kanë firmosur një peticion, të cilin ia kanë dërguar Kryeministrit, Kuvendit dhe Ministrit të Shëndetësisë, përmes të cilit kundërshtojnë shkrirjen e Urgjencës së Tiranës.
“Do ta shkrijnë institucionin, na e komunikuan verbalisht, jo me urdhër. Na kanë shpërndanë në 3 spitalet terciare, në Spitalin Ushtarak, te Sanatoriumi dhe te Trauma. Ne jemi mjekë familje patologë, nuk jemi për spital terciar”, thonë mjekët, duke shtuar se atyre nuk u është njoftuar asnjë strategji.
Ata madje akuzojnë se shkrirja e shërbimit bëhet se është thënë se toka do shfrytëzohet për pallat. Ata thonë se ndihen të tradhtuar dhe kërcënojnë me grevë urie, nëse nuk tërhiqet vendimi.
