Dy mjekë kinezë nga Spitali Qendror i Wuhanit, të infektuar me koronavirus, u zgjuan nga terapia intensive me lëkurë shumë më të errët se normalja.
Sipas mjekëve, pigmentimi i errët i lëkurës erdhi si pasojë e përdorimit të një ilaçi me të cilin është trajtuar sëmundja, dhe nga mosfunksionimi i mëlçisë së doktorëve, Yi Fan dhe Hu Weifeng, të dy, 42 vjeçarë.
Mjekët deklaruan se pigmentimi i lëkurës do të rikthehet në normalitet sapo mëlçia të rifillojë funksionet e saj normale.
Yi Fan dhe Hu Weifeng u infektuan me Covid-19, në muajin janar kur po trajtonin pacientë me koronavirus në spitalin qendror të Wuhanit, vendi ku shpërtheu pandemia./Opinion.al
