Emisioni ‘Opinion’ i është rikthyer që në nisje të kësaj jave aktualitetit. Ditën e hënë në emsion u fol për kapjen e 3.4 miliona eurove në ‘Toyota’ në Durrës dhe duket se kjo temë ka rrëmbyer vëmendjen e audiencës në ‘Opinion’.
Por nuk ka qenë vetëm dita e hënë, ditën e mërkurë u fol për “Bombën e Ambasades Sovjetike që vrau 22 të pafajshëm” dhe pikërisht në këtë emision ishte një moment i cili shënoi rekordin më të lart të javës sa i përket shikueshmërisë.
Hysen Shehu, djali i Tefik Shehut, njëri nga 22 intelektualët që u dënuan me vdekje nga Gjykata e Lartë Ushtarake në Tiranë më 27 shkurt të vitit 1951, ka rrëfyer të mërkurën në emisionin ‘Opinion’ historinë e trishtë të familjes së tij gjatë periudhës së regjimit komunist.
Por një histori akoma më dramatike që i shton dhimbjen është dhe gjetja e një pjese të eshtrave të të atit. Shehu rrëfehu mes lotëve se në atë kohë mori nofullën e gjetur të babait dhe ia dërgoi nënës së tij për t’a identifikuar, ndërsa shton se e ndjeu se ajo diçka dalloi. Hyseni tha se e pyeti nënën se çfarë ka, por ajo e mori dhe e puthi; ky ishte momenti që përloti të ftuarit në studio, drejtuesin e emisionit Blendi Fevziun, por që mesa duket ka shënuar edhe audiencën më të lartë nga ana e publikut me 47.5%.
Emisioni më pak i ndjekur ishte ai i ditës së enjte, ku në ‘Opinion’ u ritransmetua një dokumentar për eksodin masiv të shqiptarëve drejtë Italisë në vitet ’90, “Anije”
***
Në emisionin “Opinion” mbrëmjen e të hënës u fol për 3.4 milion eurot që u kapën në Portin e Durrësit dy ditë më parë në ‘Toyota’: “Misteri i Toyota-s me miliona euro”. Audienca mesatare ditën e hënë ishte 37.3% dhe audienca maksimale arriti në 46.7%, ky është emisioni më i ndjekur i javës me audiencën mesatare më të lartë.
Mbrëmjen e të martës në emisionin “Opinion” u trajtua çështja e negociatave të Shqipërisë me BE-në dhe vendimi që u mor në Bruksel. Ministri i Jashtëm, Ditmir Bushati, të martën, ka folur në emisionin ‘Opinion’ për procesin e hapjes së negociatave nga BE për Shqipërinë. Bushati tha se BE ka dhënë dritën jeshile për fillimin e këtij procesi, ndërsa Shqipërisë i kërkohet veçse konsolidimi i procesit të reformave. Audeinca mesatare ishte 29.5% dhe audienca maksimale 37.8%.
Mbrëmjen e të mërkurës në emision ‘Opinion’ u fol për: “Bombën e Ambasadës Sovjetike që vrau 22 të pafajshëm!” Audienca mesatare ishte 34.5% dhe audienca maksimale arriti në 47.5%. Ky ishte emisioni që arriti kufirin më të lartë maksimal.
Të enjten në mbrëmje në ‘Opinion’ u transmetua një dokumentar “Anija”, për shqiptarët që braktisën vendin në vitet ’90 dhe u larguan nëpërmjet detit në drejtim të Italisë. Audienca mesatare ishte 17.9% dhe audienca maksimale 24.3%. /Gerta Zaimaj-opinion.al
*Momenti që shënoi audiencën më të lartë në ‘Opinion’ gjatë kësaj jave:
