Një shpërthim ka ndodhur mëngjesin e sotëm në makinën e një shtetasi në qytetin e Mirditës.
Sipas policisë, ngjarja ka ndodhur rreth orës 08:05, kur shtetasi me iniciale L.S sapo ka ndezur automjetin e tij ka ndodhur shpërthimi.
Për pasojë Ledovik Syziu, është plagosur dhe po merr ndihmë mjekësore në Spitalin Rajonal të Mirditës, jashtë rrezikut për jetën.
Blutë bënë me dije se “nga veprimet e para dyshohet se ka shpërthyer nje lëndë artizanale”.
Njoftimi:
Rreth orës 08:05, Salla operative e Komisariatit të Policisë Mirditë është njoftuar se në fshatin Malaj, në oborrin e banesës së shtetasit L.S, në momentin që ky shtetas ka ndezur automjetin, në pjesën e pasme të automjetit ka ndodhur një shpërthim.
Për pasojë shtetasi L.S, është dëmtuar dhe po merr ndihmë mjekësore në Spitalin Rajonal të Mirditës jashtë rrezikut për jetën.
Menjëherë në vendngjarje kanë shkuar shërbimet e Policisë dhe grupi hetimor.
Nga veprimet e para dyshohet se ka shpërthyer lëndë artizanale.
Nën drejtimin e Prokurorisë Grupi hetimor po vijon intensivisht punën për sqarimin e rrethanave të ngjarjes dhe për sigurimin e provave me qëllim zbardhjen dhe dokumentimin ligjor të rastit.
