Kuvendi i Shqipërisë ka miratuar në seancën e jashtëzakonshme, vetëm me votat e mazhorancës ligjin e vettingut.
Votimi është refuzuar nga Partia Demokratike, e cila pak para votimit elektronik ka braktisur sallën e Parlamentit.
Në votim morrën pjesë vetëm 89 deputetë të mazhorancës, nga të cilët 88 deputetë kanë votuar pro dhe një abstenoi.
Më herët deputeti demokrat Eduard Halimi e ka cilësuar projekt-ligjin si jashtë çdo standarti dhe dhunues të Kushtetutës. Ai ka kërkuar zbatimin e Kushtetutës së 22 Korrikut dhe “vetting” të bazuar në rekomandimet e Komisionit të Venecias, që sipas tij, mban larg pushtetin politik nga ky proces.
Halimi akuzoi PS-në se “ka kapur drejtësinë dhe gjyqtarët shqiptarë”.
Opinion.al/a.h
Të lidhura:
Halimi: Nuk e votojmë “vettingun”, të zbatohet Kushtetuta e 22 Korrikut
Meta: “Vettingu” duhet votuar patjetër sot, bashkë me opozitën
Pasi e uron për Ndokën, Berisha kërcënon Ramën: Do t’i thyej turinjtë!
