Ministrja e Arsimit, Evis Kushi bëri me dije se ka miratuar sot kredinë studentore. Në një prononcim para gazetarëve, tregoi se të gjithë studentët kanë të drejtë të aplikojnë, duke plotësuar kushtet dhe kriteret që kërkohen.
Ajo tha se kredia studentore do të financojë tarifat e studimit, por edhe kostot e jetesës.
Ndërsa institucioni që do të jetë përgjegjës për të negociuar me bankat e nivelit të dytë do të jetë agjencia kombëtare për financimin e arsimit të lartë
“Çdo student që ka shtetasi shqiptare dhe banon në Shqipëri ka të drejtë të aplikojë për kredi studentore për të financuar studimet e tij. Këtu nënkuptojmë edhe tarifat e studimit, por edhe kostot e jetesës.
Në fakt do të financohet vetëm një program studimit, që të zgjerojmë sa më shumë numrin e përfituesve. Institucioni që do të jetë përgjegjës për të negociuar me bankat e nivelit të dytë do të jetë agjencia kombëtare për financimin e arsimit të lartë”, tha Kushi.
Kush janë kushtet
“Nuk do ketë kolateral, do jepet me dy këste. Sa i takon shlyerjes, afatet do të jenë të përcaktuara për çdo nivel. Për bachelor detyrimi fillon pas dy vitesh. Për masterin detyrimi fillon dy vite pas përfundimit. Dhe ata që ndjekin nivelet e integruara pas 5 vitesh. Studentët përfitues do të jenë ata që nuk kanë përfituar bursa.
Do të ketë edhe disa kritere:
E para do të jetë shumë e kërkuar, programi i studimit që ndjek do të jetë avantazh. Ka edhe kritere të tjera, rezultatet e studentëve. Nëse do jetë aplikant nga viti i parë rezultatet e gjimnazit janë avantazh.
Nëse është në vitin e dytë apo të tretë rezultatet e vitit paraardhës do të jenë prioritet”, tha ministrja.
