Miratohen sekretarët dhe komisionet parlamentare të PD-së

Mësohet se janë miratuar sekretarët dhe komisionet parlamentare në Këshillin Kombëtar të Partisë Pemokratike i cili po mbahet ditën e sotme.

Ata janë miratuar me votë unanime.

Ndërkohë nga ana tjetër Basha në fjalën e tij është shprehur se përkundër rezultatit zgjedhor shqiptarët i kanë mbështetur.

Ndër të tjera Basha shton se PD është partia që i shërben interesit publik e jo vetes së saj.

“Edhe pse jetojmë në kohë jo bujare për politikën, jo vetëm në Shqipëri, kur politika shihet me rezerva dhe difidencë, shqiptarët na besuan dhe na mbështetën; Edhe pse miliona euro harxhohen në propagandë kundër nesh, edhe pse asgjë demokratike nuk kishte në masakrën e 25 prillit, shqiptarët na dhanë një besim të jashtëzakonshëm për planet tona konrete, për vizionin tonë, për programin tonë.

Ndaj, në këtë moment përcaktues për demokracinë e vendit, është e rëndësishme më shumë se kurrë që përballja me regjimin të mos na largojë nga qytetarët dhe nga problemet e tyre. Rendin e ditës duhet ta përcaktojmë ne dhe ai duhet të jetë për shqiptarët dhe me shqiptarët.”- tha Basha.

Të dashur vëllezër dhe motra, sfidat që kemi përpara janë te mëdha, ndaj vullneti dhe vendosmëria jonë duhet të jenë po aq të mëdha.

“Ndaj, krahas të qenurit partia që i shërben qytetarëve dhe interesit publik, e jo vetes, kemi detyrën të jemi edhe partia që komunikon me shoqërinë, që e zhbën hendekun e pakapërcyeshëm midis njerëzve dhe politikës, që komunikon me qytetarët dhe i normalizon raportet e politikës me qytetarët.

Sigurisht duke u hapur edhe më shumë dhe duke u bërë sa më përfshirës, duke dhënë shembuj pozitivë dhe duke mbajtur gjithmonë një sjellje morale që frymëzon besim te qytetarët. Besim për të mos qëndruar pasiv, teksa Shqipëria qëndron në vend numëro, por që të zgjedhin angazhimin si mjet për të përmirësuar jetët e familjeve të tyre.

Ndaj hapja, modernizimi i vazhdueshëm dhe qarkullimi i elitave brenda Partisë Demokratike duhet të jenë pjesë e përditshme e përpjekjeve tona të përbashkëta, për të rritur besimin dhe inkurajuar angazhimin qytetar. Kjo kërkon angazhimin e secilit prej nesh në zgjerimin e formacionit tonë politik me përfshirjen e të gjitha grupimeve shoqërore, e të rinjve dhe të rejave, e çdo individi që beson tek demokracia, që beson tek liria dhe tek e ardhmja europiane e vendit tonë. “- shtoi ai. /Opinion.al

Miratohen sekretarët dhe komisionet parlamentare të PD-së

Ju sugjerojmë

Vazhdojnë paqartësitë rreth dronëve në disa shtete amerikane

Gjekmarkaj në Lezhë: Shëngjini i lënë në harresë nga qeveria, PD do ta kthejë në perlë të Adriatikut

Protesta e opozitës, Këlliçi takim me kryesinë e Degës 11: Këtë javë do të jemi në çdo cep të vendit!

Meri Shehu zbulon datën më me fat për tri shenja dhe liston “më të zhgënjyerat” e javës

Autoritetet palestineze: 45 mijë viktima në Rripin e Gazës

Premtimet ekonomike të Presidentit të zgjedhur Trump

“Rrinte në një dyqan kafeje ku kishte pasur kujtime me djalin”, ç’ndodhte me Parashqevi Simakun në Nju-Jork

Hapja e grupkapitujve të rinj në Bruksel, Rama: Shpresojmë t’i mbyllim negociatat para sesa BE të kthehet në humorin e mëparshëm

“Shesin qilima fluturues si të Sudes”, Rama ironizon premtimet e PD-së për pensionistët

Kosova nënshkruan marrëveshje me prodhuesin turk për fabrikën e municioneve

Drejt përfundimit, Talebanët pranë formimit të qeverisë së re

Zgjedhjet në Gjermani/Kundërshtarët e Merkel:Vendi s'duhet të mbyllet më

Grida Duma dhe Jorida Tabaku ‘krahu i djathtë’ i Bashës, ja emrat e rinj

TE FUNDIT

Vazhdojnë paqartësitë rreth dronëve në disa shtete amerikane

Gjekmarkaj në Lezhë: Shëngjini i lënë në harresë nga qeveria, PD do ta kthejë në perlë të Adriatikut

Protesta e opozitës, Këlliçi takim me kryesinë e Degës 11: Këtë javë do të jemi në çdo cep të vendit!

Meri Shehu zbulon datën më me fat për tri shenja dhe liston “më të zhgënjyerat” e javës

Kategoritë

Rreth Nesh