Mira Murati, është sot shefe e Teknologjisë (CTO) në OpenAI, kompania që qëndron pas chatbotit të Inteligjencës Artificiale (AI) ChatGPT.
Sipas burimeve të Opinion.al Mira, emri i plotë Ermira Murati është nga qyteti i Vlorës dhe në vitin e dytë gjimnaz fitoi të drejtën të studionte në Amerikë. U largua pikërisht në vitin 2005 pasi fitoi një konkurs që organizonte Ambasada Amerikane. E ëma ishte mësuese letërsie dhe babai mësues fiskulure.
Ata që e njohin thonë se që vogël ka patur premisa për lëndët shkencore dhe ndryshe nga bashkëmoshataret nuk i kushtonte rëndësinë më të madhe pamjes, por shkollës.
Murati, ka studiuar inxhinieri në Universitetin e Inxhinierisë Thayer në Dartmouth.
35-vjeçarja nga San Fancisko, ka udhëhequr zhvillimin e projekteve të prodhimit të automjeteve të Tesla Motors, duke përfshirë modelin X, si dhe nisma revolucionare të industrisë ajrore. Ajo ka mbikqyrur skuadrat e inxhinierisë dhe prodhimit të Leap Motion. Aktualisht, Mira është drejtuese e teknologjisë dhe operacioneve të OpenAI, kompania që ka krijuar modelin revolucionar ChatGPT dhe Dall-E.
ChatGPT është një teknologji relovucionare që u lejon kompjuterëve të kuptojnë dhe t’i përgjigjen gjuhës së folur.
Ky model gjuhe kompjuterike është në gjendje të krijojë biseda “njerëzore” me një robot, t’u përgjigjet pyetjeve, të ndihmojë në shkrimin e një teksti, email-i apo edhe të kodojë.
Mira Murati diskuton për rreziqet e Inteligjencës Artificiale (AI) dhe njëkohësisht ofron siguri për ndikimin e kësaj teknologjie në të ardhmen e njerëzimit.
Murati udhëheq ekipet e DALL-E, i cili përdor AI për të krijuar vepra arti bazuar në kërkesë, dhe ChatGPT, chatboti jashtëzakonisht i popullarizuar i AI, që mund t’u përgjigjet pyetjeve më të ndërlikuara me aftësi të frikshme njerëzore./Opinion.al
