Shqipëria po luan ditën e sotme përballë Azerbajxhanin në Hungari, ndeshje e cila ka nisur prej orës 19.00.
Për ndeshjen miqësore, trajneri i kuqezinjve, Sylvinho ka vendosur për titullarët, me të cilët skuadra do zbresi në fushë.
Ky duel vjen pas fitores 3-0 që kuqezinjtë siguruan katër ditë më parë kundër Lihtenshtajnit.
Trajneri Sylvinho ka bërë pesë ndryshime nga ndeshja e fundit e fituar 3-0 kundër Lihtenshtajnit tre ditë më parë, teksa ky pritet të jetë formacioni më i mundshëm edhe për në finalet e Euro 2024.
Mes shtyllave rikthehet titullar Thomas Strakosha, ndërkohë që në prapavijë e nisin nga minuta e parë kapiteni Berat Gjimshiti dhe Elseid Hysaj.
Në mesfushë Ylber Ramadani zëvendëson Klaus Gjasulën, ndërkohë që konfirmohen në sulm Armando Broja dhe Jasir Asani.
