Ministrja teknike e Arsimit, emëruar nga PD, Mirela Kabarani deklarohet hapur kundër Sekretarit të Përgjithshëm të kësaj ministrie, Plarent Ndreca emëruar në këtë detyrë që në 2013 nga ish-ministrja Lindita Nikolla.
Përplasjet mes tyre janë pasqyruar më herët në media, por kësaj radhe Karabina deklaron publikisht se Plarent Ndreca nuk po zbaton Vendimin e Qeverisë të datës 1 Qershor për monitorimin e punonjësve në fushatë.
Sakaq bëhet e ditur se Karabina ka kërkuar sot pezullimin e menjëhershëm nga puna të Drejtores së Drejtorisë Arsimore Rajonale Vlorë, znj. Albana Hodaj. Sipas Karabinës, drejtoresha e Vlorës nuk ka zbatuar urdhrin e titullarit. Më tej thotë se “drejtorët e arsimit në rrethe janë të imponuar të mos zbatojnë urdhrin e Ministrit, nga presionet e Sekretarit të Përgjithshëm të Ministrisë së Arsimit dhe Sportit, Plarent Ndreca”.
“Denoncimeve të përcjella nga ana e Ministrit të Arsimit dhe Sportit pranë organeve të prokurorisë në rrethe, në përputhje me masat e përcaktuara në Vendimin Nr. 473, datë 01.06.2017, Sekretari i Përgjithshëm jo vetëm që nuk ka qene bashkëpunues në këtë proces, por vijon të pengojë duke ushtruar presion konstant në administratën e Ministrisë së Arsimit dhe Sportit”, thuhet në njoftimin e nisur nga zyra e ministres së Arsimit, Mirela Karabina. /Opinion.al
