Ministrja e Turizmit, Mirela Kumbaro ka publikuar shifrat turistëve që vizituan Shqipërinë në 3 muajt e parë të vitit 2024.
Përmes një postimi në rrjetet sociale Kumbaro shkruan se Shqipëria është vizituar nga 1.7 milionë turistë të huaj në këto 3 muaj.
Sipas saj, muaji mars, në krahasim me të njëjtën periudhë të një viti më parë, ka 91% më shumë vizitorë të huaj.
“Mbi 1,7 milionë turistë të huaj na kanë vizituar gjatë tre muajve të parë të vitit 2024, duke vendosur një rekord në shifrat e mikpritjes. 734 mijë vizitorë të huaj shijuan Shqipërinë gjatë muajit mars, ose 91% më shumë se marsi i vitit të kaluar, i cili sapo shenjoi një standard të ri në shifra e duhet t’i përgjigjemi me të njëjtin standard në mikpritje”,-shkruan Kumbaro.
