Numri i palestinezëve të vrarë në Gaza që kur Hamasi sulmoi Izraelin më 7 tetor ka tejkaluar 10,000, sipas Ministrisë palestineze të Shëndetësisë në Ramallah, të marrë nga burime në enklavën e kontrolluar nga Hamasi.
Më shumë se 70% e të vrarëve ishin fëmijë, gra dhe të moshuar, ndërsa rreth 24,000 njerëz janë lënduar, sipas ministrisë.
Të hënën, ministria e shëndetësisë e kontrolluar nga Hamasi në Gaza tha se numri i të vdekurve në enklavë është rritur në më shumë se 10,000.
Izraeli i shpalli luftë Hamasit pasi grupi militant islamik filloi një sulm brutal më 7 tetor, duke vrarë 1400 në Izrael dhe duke rrëmbyer më shumë se 240 persona. Izraeli u hakmor duke nisur një ofensivë ajrore dhe tokësore në Gaza, duke u zotuar të eliminojë grupin militant.
Mijëra më shumë palestinezë janë vrarë në Gaza gjatë muajit të kaluar sesa gjatë konflikteve me Izraelin që përfshinin 15 vitet e fundit.
Zyra e Kombeve të Bashkuara për të Drejtat e Njeriut tha se sulmet javën e kaluar në kampin më të madh të refugjatëve në Gaza “mund të përbëjnë krime lufte” duke pasur parasysh shkallën e viktimave dhe shkatërrimeve.
