Sot ndërroi jetë pacientja e parë me koronavirus në Shqipëri. Zv/ministrja e Shëndetësisë, Mira Rakacolli dha detaje lidhur me gjendjen e rënduar të 73-vjeçares që humbi jetën në Spitalin e Durrësit.
“Të shpreh ngushëllimet e së ndjerës. Nuk mundi të mbijetojë si pasojë e komplikaconeve nga sëmundjet që vuante prej vitesh, kishte çregullime të ritmit të zemrës, sëmundje kronike të mushkrive, kishte patologji të teroideve dhe kishte kryer bypass kardiak. Ishte në grupin e sëmundje, që ku preken janë ata që cedojnë më shpejt. Pavarësisht përpjekjeve për ta mbajtur në jetë, nuk mundi të mbijetojë. Është trajtuar në mënyrë të izoluar në spitalin e Durrësit. Është kërkuar paradite transferimi në Tiranë, kur po merreshin masat të transferohej gjendja e saj u përkeqësua. Ky virus prek kryesisht moshat e mëdha dhe ato që vuajnë nga sëmundjet kronike. U bëjmë thirrje edhe një herë qytetarëve që të bashkëpunojnë me stafet mjekëosr.e Kush ka një histori udhëtimi të vetëkarantinohet, t’i kufizojmë lëvizjet sa më shumë të jetë e mundur”, tha ajo.
Ajo përjashtoi mundësinë që stafi mjekësor të jetë infektuar pasi rasti u konfirmua me koronavirus. Siç tha zv/ministrja mjekët kanë qenë të veshur dhe pajisur me masa mbrojtëse, ndërsa mjekët e tjerë të spitalit që kanë patur kontakt me të para diagnostikimit janë në vetizolim dhe po pritet përgjigjja.
“Mjekët që i kanë asistuar të sëmurës që në momentin që është dhënë diagnoza e koronavirusiit kanë qenë të gjithë të veshur me mjetet e mbrojtjes personale. Mundësia e infektimit të tyre është pothuajse zero. Mjekët që kanë pasur kontakte më parë, u është marrë analiza, pritet përgjigjja, dhe deri në këtë moment janë të vetëkarantinuar. Është bërë hetim epidemiologjik i detajuar, jo vetëm nga të Durrësit edhe nga ata të ISHP, për fat të mirë pacientja ka qenë në dhomë vetëm. Të gjithë personat sipas skedës së hetimit epidemiologjik janë të gjithë dukë u kontaktuar. Dhe ky është një proces, nuk bëhet në moment”, tha zv.ministrja në konferencën për mediat. /Opinion.al
