Ministria e Brendshme ka sqaruar pretendimin e ngritur në disa media se një i arrestuar është dhunuar nga efektivët blu, duke dhënë se është pikërisht i akuzuari që ka kundërshtuar me dhunë policinë.
Sipas një njoftimi zyrtar, Jurxhin Kulla ishte shoqëruar në ambientet e Policisë nga Sektori për Narkotikët dhe Trafiqet dhe është arrestuar për veprat penale “Kundërshtimi me dhunë i punonjësit të Policisë së rendit publik” dhe “Falsifikim i vulave, stampave ose formularëve”.
AI ka kundërshtuar me dhunë efektivët në ambientet e komisariatit të cilët duket se i janë përgjigjur me të njëjtë monedhë në kushtet e vetëmbrojtjes dhe neutralizimit të tij.
Ministria thotë se ky person është me precedent kriminal, pasi ka qenë i dënuar disa herë më parë:
– Në datë 10.11.2005 me vendim nr 293 të Gjykatës së Korçë është dënuar me 7 muaj e gjysëm heqje lirie për veprën penale “Plagosje e lehtë me dashje”, pasi më datën 21.06.2005 ky shtetas ka plagosur me thikë shtetasin A.K.
– Në datën 02.11.2007 është arrestuar për veprën penale “Trafikimi i Narkotikëve”, ku është dënuar me 8 vjet burg dhe është liruar me kusht në datën 19.03.2012.
– 3 muaj pas lirimit me kusht, në datën 22.06.2012 është arrestuar sërish për veprën penale “Prodhim dhe shitje të narkotikëve”, ku është dënuar me 5 vjet burg dhe ka dalë nga burgu në datën 28.04.2015.
