Ministri i Brendshëm, Saimir Tahiri, vetëm pak minuta më parë, ka thyer heshtjen për shkarkimin e tij nga kryeministri Edi Rama, si ministër i Brendshëm
Me anë të një shënimi në Facebook, Tahiri shkruan se nuk kam dhënë dorëheqjen dhe as nuk ma ka kërkuar kush deri tani, duke nënkuptuar shkarkimin e tij nga kryeministri Rama.
“Për saktësim, as më ka kërkuar kush e as kam dhënë dorëheqje deri tani. Sidoqoftë, më të fortë do jemi, sot e gjithmonë, bashkë”, shkruan Tahiri.
Për kujtesë edhe ish-ministri Manjani, pak orë para shkarkimit nga detyra, me anë të një shënimi në profilin personal në Facebook, shkruante se nuk kam dhënë dorëheqje nga detyra, si dhe s’më ka shkuar ndërmend një gjë e tillë!
Por, vetëm pak orë më pas, Manjani në një tjetër shënim në profilin personal në Facebook; deklaroi se është shkarkuar si ministër Drejtësie nga kryeministri Edi Rama.
Mirëpo, ditën e sotme, mediat kanë theksuar se të hënën, kryeministri Edi Rama, do bëjë disa ndryshime në Qeveri, por që nuk çojnë në një qeveri teknike dhe se kabineti mbetet politik.
