Ministri i Brendshëm, Saimir Tahiri, ka zbuluar edhe një pasion të ri të tij, që mesa duket është kënga.
Në ceremoninë e organizuar me rastin e festave të fundvitit, ministri Tahiri ka shprehur talentin e tij edhe në muzikë, raporton Tirana Observer.
Siç duket edhe në foto, ai ka marrë mikrofonin dhe iu është bashkuar këngëtarëve të cilët ishin të ftuar.
Nuk dihet se çfarë kënge ka zgjedhur për të kënduar ministri i Brendshëm, ndërsa në foto shihet se ai është duke mbajtur në dorë edhe një gotë verë.
