Ministri i Mjedisit Lefter Koka ka folur sot për atë që raportojnë mediat italiane prej kohësh se në vendin tonë kanë hyrë 1300 kontenierë me mbetje të rrezikshme dhe që janë zhdukur në Shqipëri.
Sipas tij importi dhe tranzitimi i mbetjeve të rrezikshme në vendin tonë është i ndaluar me ligj ndërsa, ministri tha se ka dijeni vetëm për 10 kamionë me goma të përdorura që janë futur në Shqipëri.
“Edhe në ligjin e 2011 në Shqipëri është e ndaluar me ligj tranzitimi i mbetjeve të rrezikshme. Është një sasi prej 10 ngarkesash, 10 kamionë të tranzituara në drejtim të Kosovës me goma të përdorura”, tha Koka, i cili prezantoi edhe databasin që do të japë një pasqyrë të qartë të sistuatës së mbetjeve në vend dhe të fondeve që i duhen Bashkive.
