Pas deklaratës së fortë të deputetes së LSI-së Kejdi Mehmeti, e cila tha se LSI ka bërë kallëzim penal për 3 ministra dhe zv/ kryeministren, në radhët e kësaj partie ka ardhur një tjetër reagim.
Ministri Lefter Koka nëpërmjet një statusi në Facebook deklaron se LSI-në nuk ka asnjë që ta ndali. Në një takim me të rinjtë e Durrësit ai deklaroi se forca e LSI-së qëndron tek të rinjtë ndaj edhe kjo parti do të dalë forcë e parë. Në fotot e publikuara, Koka është duke u argëtuar me të rinjtë e këtj qarku.
“Nuk ka gjë, që na ndal!
Forca jonë buron nga energjia e pashterueshme e rinisë!
Duke ndarë me të rinjtë e LSI, Rajoni 4, Durrës entuziazmin për një fitore të sigurtë e të padiskutueshme si Forcë e Parë, jo vetëm në Durrës, por në çdo qark të vendit.
Shqiptarët do të votojnë nr. 1, shansin për ta, shansin për fëmijët e tyre”, shkruan Koka. /opinion.al
