Ministri i Jashtëm gjerman Gabriel ka qenë tejet i qartë në mesazhin e tij në konferencën e përbashkët me kryeministrin Edi Rama. Opozita të kthehet në parlament. Ne mund të ndihmojmë opozitën për të krijuar terrenin e përshtatshëm për zgjedhjet, por në Parlament jo në ccadër. Për Gjermaninë është e rëndësishme që Ju të bëni reformën në drejtësi dhe ligjin e vetingut. Dhe këtë nuk e them në emrin tim personal por në emrin e qeverisë dhe kancelares Merkel, tha ndër të tjera kreu i diplomacisë gjermane.
Pjesë nga deklarata e ministrit të Jashtëm gjerman:
“Ne ndhihemi të detyruar për ti dhënë të gjitha mundësitë Shqipërisë dhe vendeve të Ballkanit Perëndimor që të integrohen në BE. Anëtarësimi nuk do të ndodhë së së afërmi. Politikanët janë të qartë se ka nevojë për kohën e vet. Është e rëndësishme qe të mos i paralizojmë reformat. S’ka alernavita të tjera, si psh reforma në drejtësi. Përshëndesim votimin me konsensus të ndryshimeve kushtetuese. Por sot jemi një Shqipëri të ndarë në dy pjesë, deputetë që bojkotojnë parlamentin. Dhe kjo është e papranueshme. Ky nuk është mendimi im personal, por i qeverisë gjermane i Kancelares Merkel.
Opozita ka shqetësime për mungesën e kushteve për zgjedhje të ndershme. Ne mund të ndihmojmë si psh duke dërguar më shumë vëzhgues. Duke bërë transparencën e financimeve në zgjedhje, por për këto opozita duhet të kthehet në Parlament. Të kapërcehen interesat personale për ato kombëtare. Kush bojkon parlamentin largon integrimin e Shqipërisë në BE. I bëjmë thirrje opozitës të kthehet dhe të nisë zbatimi i ndryshimeve kushtetuese dhe i vetingut”.
