Gazmend Bardhi i cili mban postin e ministri të Drejtësisë ka emëruar djalin e ish-Presidentit Meidani, Denion Meidani drejtor të Shërbimit të Kontrollit të Brendshëm të Burgjeve. Denion Meidani është emëruar nga Bardhi para dy javësh, pra para zhvillimit të zgjedhjeve të 25 qershorit.
Djali i ish-presidentit Rexhep Meidani ka mbajtur edhe më parë këtë post, nga viti 2012 deri në vitin 2013, ku ai u larguar nga kjo detyrë.
Largimi i Denion Meidanit nga posti që mbante, erdhi si pasojë e arratisjes së bujshme nga burgi i Drenovës me 23 nëntor të 2013, ku 7 të burgosur mundën të largoheshin nga qelia, mes tyre edhe Admir Tafili, kreu i bandës së vrasësve me pagesë.
Pas kësaj ngjarje, Meidani u largua nga detyra, për t’u emëruar vetëm 10 ditë më parë në të njëjtin post, nga ministri i ri teknik Bardhi.
Meidani ka mbajtur më parë edhe postin e kreut të Antikontrabandës në Drejtorinë e Doganave, ku pas një konflikti që pati me Drejtoreshën e këtij institucioni, Elisa Spiropalin, ai u shkarkua nga kjo detyrë.
Nuk dihet se çfarë kriteresh ka përmbushur Meidani për t’u emëruar edhe një herë nga një detyrë që ishte larguar më parë, ndërsa emërimi i tij është mbajtur në diskrecion për të mos dalë në media./Shqiptarja.com
