I riu që u fut mes përmes tregut të Krishtlindjeve të mbushur me njerëz në Berlin duke vrarë 12 persona dhe plagosur 48 të tjerë është identifikuar si një refugjat 23-vjeç Pakstani.
Naved B., ka jetuar në Flughfen Tempelhof, një aeroport i vjetër që ishte konvertuar në një qendër refugjatësh. Ai u arrestua mbrëmë pas sulmit terrorist.
Sipas radios gjermane RBB, 23-vjeçari mbërriti në Gjermani një vit më parë. Ai u regjistrua në Gjermani më 31 dhjetor 2015 në Passau, Bavaria.
Policia kontrolli sot në qendrën e refugjatëve dhe shoqëroi disa persona që mund të kenë njohje me autorin. Mediat gjermane kanë raportuar se 23 vjeçari ishte i njohur për krime të vogla, por nuk ishte menduar të jetë një terrorist potencial.
Ministri i Brendshëm i Bavarisë Joachim Herrmann ka bërë thirrje për një rishikim të politikës gjermane për refugjatët.
“Nëse vërtetohet se ky sulm është kryer nga dikush i cili ka qenë i regjistruar si azilkërkues, atëherë duhet të kemi një reflektim themelor për hartimin e një sistemi të ri për refugjatët,” tha ai për radion gjermane.
