Ministri i Brendshëm, Ervin Hoxha zhvilloi sot një takim me ambasadoren e Francës në Shqipëri, Catherine Suard.
Përmes një postimi në rrjete sociale, Hoxha thotë se gjatë diskutimit mes tyre ndanë pikëpamjet rreth rritjes e konsolidimit të marrëdhënieve mes dy vendeve.
Ndër të tjera, Hoxha ka shprehur gatishmërinë për të vijuar bashkëpunimin me autoritetet franceze, si partnere, veçanërisht në çështjet e sigurisë dhe migracionit.
“Zhvillova një bashkëbisedim mjaft të frytshëm me Ambasadoren e Francës në Shqipëri, Catherine Suard, me të cilin ndamë pikëpamjet rreth rritjes e konsolidimit të marrëdhënieve mes dy vendeve, sidomos sa i përket çështjeve të sigurisë, luftës kundër krimit të organizuar, si dhe proceseve integruese të vendit në familjen.
Shpreha gatishmërinë për të vijuar bashkëpunimin me autoritetet franceze, si partnere, veçanërisht në çështjet e sigurisë dhe migracionit.
Konstatuam me Ambasadoren Suard, se kemi një bashkëpunim shumë të mirë midis dy ministrive dhe strukturave policore. Por lufta kundër krimit të organizuar ndërkombëtar kërkon forcim të mëtejshëm të bashkëpunimit dypalësh.
Falënderova Ambasadoren për vizitën dhe gatishmërinë për të punuar së bashku, në drejtim të thellimit e konsolidimit të marrëdhënieve“, shkruan Hoxha./Opinion.al
