Ministri i Turizmit dhe Mjedisit Blendi Klosi është infektuar me koronavirus.
Përmes një statusi në rrjetet sociale, ministri bën me dije se ka nisur trajtimin dhe karantinimin sipas protokolleve.
Ai i bën thirrje të gjithë qytetarëve të zbatojnë masat e rekomanduara nga ekspertët e shëndetësisë.
“Të nderuar miq. Pas testimit për COVID 19, rezultova pozitiv. Me nisjen e trajtimit dhe karantinimit sipas protokolleve, gjej rastin të ritheksoj rëndësinë e respektimit të të gjitha masave të rekomanduara nga ekspertët e shëndetësisë, për parandalimin e përhapjes. Ju uroj të gjithëve shëndet”, shkruan Klosi.
Aktualisht e infektuar me koronavirus është edhe ministrja e Infrastrukturës dhe Energjisë Belinda Balluku./ Opinion.al
