Ministri i Brendshëm, Taulant Balla ka prezantuar sot Kryeinspektorin e ri të IKMT-s, Ervin Hoxhën.
Ervin Hoxha zëvendëson në këtë detyrë Agim Ismailin, i cili u shkarkua nga detyra nga kryeministri Rama.
Gjatë fjalës së tij, Balla tha se duhet punuar për të nisur një rrugëtim të ri, pavarësisht se rezultatet janë. Kjo punë duhet të nisë, tha ai, me fushën e kompetencave për të shmangur mbivendosjet me punën e Policisë së Shtetit.
Çështja e ndërtimeve pa leje mbetet një problematikë e mprehtë dhe fokusi duhet të jetë parandalimi, pa toleruar asnjë rast të ndërtimeve pa leje, pasi rastet nuk kanë munguar as në qendër të Tiranës.
Ministri kërkoi një plan të plotë kontrolli në çdo cep të Shqipërisë, kontroll që do të ketë mbështetjen e plotë të Policisë së Shtetit.
