Ministrat e Jashtëm të Ballkanit Perëndimor, si edhe përfaqësuesit e Bashkimit Europian janë mbledhur në Tiranë në kuadër të Ministerialit të ministrave të Jashtëm për Procesin e Berlinit. Pas takimit, ministrat janë mbledhur për një foto familjare, siç tashmë është kthyer në një traditë në çdo samit.
Por, ajo çfarë vihet re është se ministri i jashtëm serb Ivica Daçiç ka zgjedhur që të bojkotojë foton familjare edhe pse aty ishin edhe përfaqësuesit e BE, Oliver Varhelyi dhe ministrja gjermane.
Mësohet se Daçiç bojkotoi foton për shkak të flamurit të Kosovës. Fillimisht ishte rënë dakord që fotoja të bëhej pa flamuj, por më pas është vendosur që pas liderëve të ishin dhe flamujt e vendeve e pjesëmarrëse në këtë takim. Kjo gjë ka sille pakënaqësi të ministrit serb, i cili refuzoi t’u bashkohej liderëve të tjerë në foto.
