- Nga Desada METAJ
Jehona e çdo lajmi nuk zgjat më shumë se tre ditë. Të paktën në një vend si Shqipëria, të mbushur me skandale që nisin me botën e krimit dhe përfundojnë tek abuzimet në institucionet për të mitur. Kështu duket se ndodhi edhe me aksidentin tragjik ku humbën jetën dy fëmijë ndërsa po shkonin bashkë me nënën për të takuar babain në burg. Përtej tragjikes dhe tronditjes që kalojnë të gjithë kur dëgjojnë këtë lajm, qëndrojnë një zinxhir institucionesh që mbajnë përgjegjësi jo vetëm për rastin konkret por dhe për ngjarje të tjera, madje dhe për rrezikun ende prezent, ndërkohë që rruga vazhdon të jetë jashtë çdo standardi teknik.
Ndërsa prokuroria ka nisur hetimet, ka arrestuar dhe tre persona krejtësisht me përgjegjesi teknike, dikush duhet t’i tregojë institucionit të hetimit që pas çdo shkelje administrative qëndron një urdhër nga një njeri me pushtet politik. Se sa të interesuar mund të kenë qenë tre punonjësit e Autoritetit të Rrugëve për të prishur barrierën mbrojtëse të rrugës këtë nuk mund ta di askush me siguri. Dhe mbetet çështje për t’u hetuar. Por ajo që tashmë është edhe publikuar është interesi që ka patur pronari i karburantit për të hapur rrugën në drejtim të biznesit të tij. Aq shumë i ka interesuar kjo çështje, sa as policia apo vendimet e gjykatave nuk e kanë penguar të bëjë çka ka dashur, për më tepër që i njëjti person, Pilo Keri, ka qenë dhe fitues i tenderit për mirëmbajtjen e rrugës Plepa – Rrogozhinë, aksi ku ndodhi dhe tragjedia.
I indinjuar për lajmet e ditëve të fundit, zoti Keri deklaroi në emisionin “Opinion” se ai kishte vepruar konform ligjit gjatë gjithë praktikës. Gjë që hidhet poshtë me lehtësi ndërsa shihet qartë që vendimi i gjykatës nuk është zbatuar sepse një zyrtar i lartë i rrugëve la porosi për të kundërtën. Me të njëjtën indinjatë zoti Keri shprehet edhe për përmendjen që i është bërë faktit që ai ka fituar vetëm në vitin 2015, 3.2 milionë euro në tendera që përfshijnë punët publike. Dhe ndoshta për një pjesë ka të drejtë, sepse bëhet fjalë për punë të zhvilluara në bashki të ndryshme. Por ç’mund të thotë ai për tenderin e rrugëve apo atë të portit të Durrësit kur ndërkohë djali i tij prej më shumë se 2 vitesh është shefi i kabinetit të ministrit Haxhinasto.
Dhe ketu hallka e zinxhirit shkon ne vendin e duhur. Sepse eshte pikerisht drejtuesi i Ministrise ai qe mban pergjegjesi direkte per cdo shkelje qe ndodh ne nje institucion te rendesishem. A e ka ditur zoti Haxhinasto qe shefi i tij i kabinetit ka konflikt te hapur interesi ne disa tendera te prokoruar nga enti qe ai drejton? Kete nuk mund ta paragjykoje askush,por ne momentin qe ky fakt behet publik dhe ministri vetem hesht,cdokujt i lind e drejta te mendoje se “mbrojtja” me heshtje eshte dicka qe ka emrin bashkepunim.
Ne nje ministri te perfolur historikisht per probleme me tenderat qe kapin shifra disa milioneshe nuk eshte e veshtire te hulumtosh dhe te gjesh shkelje administrative,nga ato qe rendom kane ngecur neper dyer gjykatash pa asnje vendim. Por te pakten,dikush ka folur qofte dhe politikisht per akuzat publike,dikush tjeter mund te jete perballur edhe me dyert e gjykatave. I vetmi i heshtur i madh i ketij skandali,ministri i transporteve thjesht ka pranuar faktin qe 3 vartes te tij,qe kane zbatuar urdhrin e eprorit ndodhen pas hekurave te burgut. Ndersa i implikuari i madh i kesaj historie, mbreteron ne oazin ministror me poste drejtori dhe me milionat e babait. Dhe kjo ndodh per sa kohe te gjithe e dime qe nje ngjarje ka jehone jo me shume se 3 dite. Sepse skandalet vijojne te bejne zhurmen e radhes. Nderkohe paraja e veshur dhe me pushtet i ka errur jo vetem mendjen,por dhe syte atyre qe nuk duan te shohin te verteten. Ose ndoshta duan te shohin te vertetat e tyre veshur me luksin e milionave qe ndahen netet e vona dhe shijohen diteve te gjata.
