Kreu i PD, Lulzim Basha ka njoftuar se pas pak nga Selia e PD do të publikojë fakte që sipas tijj tregojnë se këto 2 javë qeveria ka dhënë 52 milion euro pagesa dhe tendera.
Në një postim në Twitter, kreu i opozitës thotë se këto para mund të ishin përdorur ndryshe duke u vënë në funksion të planit ekonomik të propozuar nga PD.
Sipas tij qeveria duhet t’u dedikojë një pagë mujore 300 euro në muaj të vetëpunësuarve në biznesin e vogël që kanë mbyllur aktivitetin e tyre. Kostoja e kësaj masa sipas Bashës llogaritet rreth 20-25 milionë euro.
Kreu i demokratëve propozon gjithashtu se për të gjitha bizneset të cilat janë detyruar që t’i lënë punonjësit në shtëpi dhe janë në pamundësi pagese, qeveria duhet të mbulojë pagën minimale. Ndërsa bizneseve që mbulojnë pagat e punonjësve megjithëse ata janë në shtëpi t’i llogaritet kostoja e pagës si shpenzim i zbritshëm në masën 200%. Kjo masë mund ti kushtojë shtetit 25-30 milionë euro.
Pra sipas planit të propozuar nga Partia Demokratike, qeveria duhet të alokojë një fond prej maksimumi 55 milionë euro në muaj deri sa të zgjasë periudha e krizës. /Opinion.al
Pas pak nga Selia e PD fakte tronditëse se si vetëm këto 2 javë qeveria ka dhënë 52 milion euro pagesa dhe tendera për miq dhe klientë. Ndërkohë shikoni një shembull se si mund të përdoreshin këto para për paketën e ndihmës social-ekonomike që kemi propozuar prej 10 ditësh:? pic.twitter.com/U3VIP1JrhT
— Lulzim Basha (@lulzimbasha_al) March 19, 2020
