Pushime të komplikuara për një grup prej 300 pasagjerësh të fluturimit WY 144 të Oman Air, që kanë mbetur të bllokuar në aeroportin e Malpensas në Milano. Avioni i cili duhet të ulej në orën 21.30 në Muskat në Oman, nuk u nis për arsye teknike. “Na lanë të flinim në hotel, por problemi është se nuk na japin asnjë informacion, nuk e dimë kur do nisemi”, thotë një nga udhëtarët.
“Në zyrën e Oman Air ka vetëm një punonjëse, e cila nuk u përgjigjet pyetjeve tona. Në emailin tonë ka ardhur në përgjigje automatike: Zyrat janë mbyllur për 1 janarin. Është qesharake”
Të shtunën në mëngjes, pasagjerëve u është komunikuar që fluturimi do të vazhdojë në orën 13.00. Më pas njoftimi është fshirë nga tabelat. Në faqen e Oman Air fluturimi fillimisht është lejuar në orën 17.00, më pas është postuar në orën 20.00.
“Tani na thonë që në orën 19.00 do të arrijë një avion nga Frankfurti dhe ndoshta mund të nisemi me këtë, por më parë avioni duhet kontrolluar”, thotë një nga udhëtarët.
