“Mijëra ton hashash të depozituara në depo dhe magazina shtetërore, të braktisura”. Kështu deklaroi deputeti i PD, Flamur Noka në emisionin “5 pyetjet nga Babaramo”.
Për opozitën ulja e kultivimit të hashashit gjatë këtij viti nuk ka të bëjë me forcimin e policisë por me uljen e çmimit në treg pasi depot janë plot nga prodhimi i një viti më parë.
“Pavarësisht asaj që thuhet, në Shqipëri sot janë të depozituara në depo mijëra ton hashash. Kjo ka qenë arsyeja që trafikantët të ulin sipërfaqet e mbjella në krahasim me një vit më parë. Edhe vjet kur Guardia di Finanza raportoi shifrat, qeveria nxitoi të thotë se kishte shkatërruar 99% të sipërfaqeve të mbjella. Ishim ne që e kemi denoncuar si një shifër të gënjeshtërt. Sepse na rezultoi se 0.2% paskësh qenë qindra ton, kjo ishte, apo jo? Dhe ajo që u tha vjet, na bën ne që të jemi skeptik”, tha Noka.
