Arlind Ajeti e ka bindur trajnerin e tij Sinisa Mihajlovic pas rikthimit nga dëmtimi, dhe madje ka marrë dhe fjalë të mira. Edhe pse pritet që futbollisti ta nisë ndeshjen e sotme ndaj Lazios nga stoli, sipas Mihajloviç, ai është i gatshëm për të dhënë kontributin në çdo kohë dhe ka veçori që e bëjnë një lojtar të domosdoshëm në rrethana të caktuara për Torinon.
“Ne kemi rikuperuar edhe Ajetin. Ai është një lojtar që mbulon një kundër një më mirë se të gjithë mbrojtësit e tjerë. Secili nga mbrojtësit tanë ka karakteristika të ndryshme dhe zgjedhjet do të bien në bazë të tyre. Jam i sigurt se kushdo që do të zbresë në fushë, do të paraqitet mirë”, ishin fjalët e Mihajloviç para gazetarëve.
