Michelle Obama, e cila cilësohet si një prej Zonjave të Para më ‘cool’ të të gjitha kohërave, ka hapur një llogari personale në Snapchat.
Sipas The Verge, zonja Obama do të përdorë llogarinë e saj për të publikuar ‘snap’ nga Shtëpia e Bardhë, dhe për t’iu dhënë ndjekësve mundësinë të shohin çfarë ndodhë prapa skenave dhe si është jeta e saj e përditshme me presidentin, transmeton Gazeta Express.
Ajo do të nisë aventurën e saj në rrjetin social me fotografi nga Liberia, Maroku dhe Spanja, ku do të shkojë javën e ardhshme si pjesë e një programi të Shtëpisë së Bardhë për arsimimin e vajzave, bashkë me Meryl Streep dhe Freida Pinto.
