Michael Buble mësohet se ka anuluar pjesëmarrjen e tij si prezantues ceremonisë së ndarjes së çmimeve BRIT Awards që do të mbahen muajin tjetër.
Këngëtari ka njoftuar drejtuesit e eventit së dëshiron të qëndrojë pranë djalit të tij Noah. 3 vjeçari është duke u kuruar nga sëmundja e kancerit në mëlçi.
“Ai do të linte shenja të veçanta atë natë, pra është për keqardhje, por për momentin prioritet i tij është familja”, ka thënë një burim për gazetën The Sun.
“Ishte vendim i vështirë, por Michael ka vendosur që ta lërë anash prezantimin e Brit Awards”, ka shtuar ky burim për 41 vjeçarin.
Ceremonia e ndarjes së çmimeve pritet të mbahet më 22 shkurt në Londër./ opinion.al
