Një indian është viktima e parë në botë e një meteoriti. Autoritetet indiane sqaruan se ishte një “trupth” qiellor dhe jo një bombë, ai që goditi shoferin e një kamioni dhe plagosi tre persona të tjerë, në jug të vendit.
Shpërthimi i mistershëm ndodhi të shtunën pranë një kolegji në Velore, në Tamil në jug të Indisë. Siç raportojnë mediat vendase, viktima, pas goditjes “fluturoi 3 metër në ajër” dhe u shpall i vdekur kur mbërriti në spital.
Goditja e meteoritit shkaktoi edhe dëmë materiale në ndërtesat përreth kolegjit.
Autoritetet vendosën të kompensojnë familjen e viktimës dhe të plagosurit për këtë ngjarje fatkeqe, që disa media ndërkombëtare e cilësuan si “ndëshkim i Universit”.
Ngjarja të kujton incidentin e vitit 2013, në Celiabinsk të Rusisë, kur shiu i meteorëve dëmtoi qindra banesa dhe plagosi mbi 1000 persona.
