Presidenti Ilir Meta ka folur për mediat në ditën ndërkombëtare të dhurimit të gjakut. Gjatë fjalës së tij presidenti u pyet në lidhje me rezolutën e votuar dje në parlament me 100 vota pro. Ai tha se është zgjedhur nga një parlament legjitim dhe ‘jo ky i sotmi’.
“Presidenti është zgjedhur nga një parlament, jo ky i sotshmi, por nga një parlament plotësisht legjitim. Presidenti i takon Republikës dhe republika i takon qytetarëve” tha Meta.
Sa i përket dekretit të tij ai theksoi se ai mbetet në fuqi dhe i bëri thirrje institucioneve ta zbatojnë atë dhe mos të shkelin ligjin. Përsa i përket shqyrtimin e dekretit nga kolegji zgjedhor Meta ironizoi duke thënë se ai mund të shqyrtohet edhe nga Gjykata e Skraparit që nuk ekziston.
“Dekreti është ne fuqi dhe presidenti po merr shënim për shkeljet e ligjit. Dekreti mund të gjykohet edhe nga gjykata e Skraparit që nuk ekziston, presidentit nuk ndalon askënd të çmendet por i bën thirrje çdo njeriu të ndalojë të çmendurit” shtoi presidenti.
Presidenti u shpreh edhe në lidhje me datën e re të zgjedhjeve të cilën tha se do ta shpallë sa më shpejtë të jetë e mundur. /Opinion.al
