Kryetari i Kuvendit Ilir Meta gjatë një takimi me bashkëraporterët e Asamblesë Parlamentare të Këshillit të Evropës, Andrej Hunko dhe Joseph O’Reilly, ka theksuar se për ligjin e Vetingut duhet transparencë.
“Duhet transparencë maksimale për zbatimin e besueshëm të reformës në drejtësi dhe në veçanti të ligjit të Vetingut”, mësohet të ketë deklaruar Meta.
Po kështu për zgjedhjet, ai është shprehur se kërkohet garantimi i standarteve më të larta bashkëkohore.
Ndërsa sa i përket situatës politike, ku opozita ndodhet në protestë, kreu i Kuvendit ka thënë se “vendi ka nevojë për një klimë konstruktive e të përgjegjshme politike që rrit kredencialet demokratike të vendit”.
