Ish-kryeministri Sali Berisha ka folur në lidhje me situatën politike në vend si dhe përplasjen mes Presidencës dhe mazhorancës për Gjykatën Kushtetuese.
Gjatë një interviste televizive, Berisha është shprehur se mbështet nismën e presidentit për zhvillimin e referendumeve qytetare. Ish-kryeministri është pyetur nëse do të ishte i pranishëm më 8 dhejtor në në sheshin “Demokracia”, ku Meta ka ftuar të gjithë qytetarët.
Berisha ka thënë se në mitingun e Metës nuk do të shkoj, pasi presidenti ka ftuar qytetarët, ndërsa vet ish-kryeministri do të vijojë me programin e Partisë Demokratik.
Nuk do ta ketë mbështetjen e opozitës, nuk do të shkoni ju në 8 dhjetor në Qytetin Studenti?
“Në mitingun e tij, jo, nuk shkoj. Ai ka ftuar popullin atje. Unë do të ndjek programin Partisë Demokratike dhe të kuptohet. Presidenti as që pretendon dhe as që kërkon, me aq sa e dëgjova unë dhe sa kuptova unë, mbështetjen e asnjë force politike. Ai mendon se thirrja e tij, në interesin më të mirë të qytetarëve, që t’i përgjigjen, që tu japë atyre të drejtë në vendimmarrje siç e ka Zvicra. Në Zvicër është populli direkt që vendos në shumicën dërrmuese të çështjeve. Ai e sheh që në një moment kur një njeri ka përqendruar të gjithë pushtetet, kjo histori mund të përsëritet dhe do që të gjithë pushtetet në kuptimin e vendimmarrjes ligjore t’i kalojnë në rradhë të parë qytetarëve,”-ka thënë Berisha./ Opinion.al
