Pas fjalës së mbajtur në Kuvendin e Shqipërisë, Presidenti i Parlamentit Europian, David Sassoli ka zhvilluar një takim me Presidentin Ilir Meta.
Në këtë takim, Meta ka vlerësuar mbështetjen e PE ndaj Shqipërisë, ndërsa ka përshëndetur gatishmërinë e Sassoli për të ndihmuar vendin tonë në tejkalimin e krizës politike.
Sipas Metës, tejkalimi i krizës do të çonte në një zbatim më të shpejtë dhe të besueshëm të 9 prioriteteve të Bundestagut.
Gjithashtu, Meta theksoi rëndësinë që kanë sundimi i ligjit dhe dialogu gjithëpërfshirës e jo-konfrontues në zbatimin e prioriteteve që lidhen me çeljen e negociatave të Shqipërisë me BE, si dhe për arritjen e standardeve europiane të një demokracie parlamentare./ Opinion.al
