PRISHTINË- Kryetari i Kuvendit të Shqipërisë, Ilir Meta, ka përfunduar takimet me tre liderët e partive opozitare në Kosovë. Pas takimit me Fatmir Limaj, ai tha se po qëndron në Kosovë këtë fundjavë dhe me këtë rast po takim edhe miqtë e tij politikanë, duke lënë të kuptohet se misioni i tij i pajtimit nuk është zyrtar.
Duke iu referuar krizës politike, ai tha se ka parë shumë mundësi për zgjidhje dhe dialogë për ngërçin që po vazhdon në politikën kosovare.
Ai ka thënë se nuk ka ardhur këtu në rolin e ndërmjetësuesit, por ka pohuar se po të vinte në Prishtinë e të mos bisedonte me miqtë e tij për krizën politike do të ishte pa përgjegjësi.
Ndërsa Limaj ka thënë se me një analizim të thellë të situatës në të cilën gjendet Kosova, ka shumë mundësi për të dalë nga kriza e tanishme politike.
Mbrëmë Meta ka takuar kreun e Kuvendit të Kosovë Kadri Veseli, ndërsa gjatë ditës së sotme ka pasur takime veçmas me gjithë liderët e partive opozitare në Kosovë. Haradinaj flet pas takimit me Metën
