Kryetari i Partisë së Lirisë, Ilir Meta në një deklaratë për mediat pas daljes nga SPAK tha se nuk ka pasur lidhje me çështjen CEZ-DIA.
Meta thotë se gjatë kësaj kohë ka qenë në opozitë, ndërsa shton se kur ka qenë ministër i Ekonomisë CEZ-i nuk ka përfituar asgjë nga qeveria.
“Së pari Ilir Meta nuk ka asnjë lidhje me procesin e privatizimit të CEZ-it, pasi ka qenë në opozitë atë kohë. Ilir Meta nuk ka asnjë lidhje me marrëveshjen CEZ-DIAN. Pasi marrëveshja është bërë kur Ilir Meta nuk ka qenë ministër Ekonomie dhe nuk kishte raport as me CEZ dhe me asnjë tjetër . Gjatë 4 muajve që kam qenë ministër i Ekonomisë CEZ-i nuk ka përfituar asgjë nga qeveria, përkundrazi kemi qenë në debate të vazhdueshme për mungesën e performancës së tyre. Së dyti në dhjetor pasi ERE mori një vendim që në gjykimin tonë favorizonte CEZ-in në raport me KESH-in, ministria e ka kundërshtuar këtë vendim”, tha Meta./Opinion.al
