Kreu i Partisë së Lirisë Ilir Meta, në fjalën e tij në çeljen e fushatës për zgjedhjet lokale të koalicionit “Bashkë Fitojmë” iu bëri thirrje qytetarëve që të shkojnë në votime dhe të votojnë kandidatët e koalicionit opozitar.
Më tej ai hodhi akuza ndaj qeverisë duke thëne se kanë paguar 3 mijë euro për palma por nuk kanë lekë për studentët e pensionistët.
“Kandidatët të cilët po i bëjnë shërbimet e fundit një regjimi koha e të cilit ka përfunduar, ndaj motra e vëllezër të Tiranës e gjithë Shqipërisë, të vlerësojmë fuqinë tonë në demokraci.
Kjo është vota, vetëm ajo bën ndryshimin e çel një perspektivë të re për të ardhmen. Të gjithë të shkojmë në votime për fitoren e kandidatëve tanë të mrekullueshme dhe gjeografia e fitores sonë do të jetë e jashtëzakonshme sepse kështu i kemi edhe kandidatët. Kemi zgjedhur personalitete, të përkushtuar për kauza të mëdha.
Në krye të listët së Rilindjes për këshillit bashkiak, është një nënpunëse e Rilindjes që nuk e njeh askush. Ka firmosur mbi 1 mld euro buxhet të Tiranës që kanë ikur për rrush e kumbulla.
Kanë lekë për palma 3 mijë euro që thahen më shpejt se mbillen e për pisha të florinjta por nuk ka për studentët e pensionistët. Koha e nënvlerësimit të qytetarëve mbaron një herë e mirë më 14 maj”, tha Meta.
