Presidenti i Republikës Ilir Meta i është përgjigjur kryeministrit Edi Rama. Meta tha ai nuk ka marrë pjesë në zgjedhje politike dhe nuk do të marrë pjesë në asnjë garë deri më 24 korrik.
Kjo deklaratë e presidentit erdhi pasi sot Rama tha se në zgjedhjet e pjesshme të 6 marsit, do të ketë përballë edhe Metën.
“Është një moment i rëndësishëm për të reflektuar dhe për të përshpejtuar rrugën e integrimit evropian të vendit. Shpopullimi i Shqipërisë është një tjetër problem dhe është e rëndësishme që të gjithë duhet të kemi në fokus për të kthyer shpresën tek të rinjtë. Këto janë kurthe diletantësh dhe koha e teatrit të kukullave ka përfunduar me 25 prill dhe unë nuk kam marrë dhe nuk do të marr pjesë në asnjë garë politike deri më 24 korrik, dhe pas kësaj gare do të bashkëbisedojmë me popullin heroik dhe të gjithë ato që i ka marrë malli që të ballafaqohen me Ilir Metën do të mund ta bëjnë pas korrikut”,-ka thënë Meta.
