Ditën e sotme presidenti propozoi që në 13 tetor të zhvillohen zgjedhje parlamentare dhe presidenciale, për të zgjidhur krizën politike.
Në qëndrimin e tij, Meta shprehu kritika të ashpra ndaj kryeministri Edi Rama, duke u thënë se kryeministri i ka kapur të gjitha pushtetet, dhe i vetmi pushtet që nuk ka kapur ende është ai i presidentit.
Po ashtu, presidenti Meta kritikoi dhe qëndrimin e disa diplomatëve të huaj në Shqipëri, të cilët sipas tij, deklaratat e tyre po nxisin konflikt në vend.
Lidhur me propozimin dhe qëndrimin e Metës për krizën politike reagoi ministrja ministrja e Shtetit për Marrëdhëniet me Parlamentin, Elisa Spiropali.
Përmes ironisë, ajo shkruante në Twitter, “Amanet mushkat se Baba Xhikja na la!”
Ndërkohë, pak orë më vonë postimin e Spiropalit e ka ripostuar dhe kryeministri Edi Rama, duke konfirmuar në këtë mënyrë ironin e përdorur nga ministrja e Shtetit për Marrëdhëniet me Parlamentin, ndaj presidentit Meta./ Opinion.al E.Xh.
Amanet mushkat se Baba Xhikja na la! pic.twitter.com/ncdbxr9cOG
— Elisa Spiropali (@elisaspiropali) July 2, 2019
