Presidenti Ilir Meta, është shprehur për situatën politike në vend, se vetmja zgjidhje janë zhvillimi i zgjedhjeve.
Përmes një postimi në “Facebook”, Meta shprehet se pa demokraci dhe drejtësi të pavarur nuk do të ketë ndëshkime për politikanët.
Presidenti shkruan në reagimin tij, se moszgjidhja e krizës, i shërben vetëm pakicës të cilët nuk duan çeljen e negociatave me BE, ndërsa shaton se ata kanë për të humbur pushtetin gradualisht, si politik, ekonomik dhe mediatik.
“E vetmja zgjidhje janë zgjedhjet. Pa zgjedhje nuk ka demokraci. Pa demokraci nuk ka drejtësi të pavarur. Pa të dyja së bashku nuk ka të drejta dhe ekonomi për të gjithë shqiptarët. Dhe as ndëshkim për politikanët.
Moszgjidhja i shërben vetëm pakicës që nuk njeh rotacion dhe nuk e do çeljen e negociatave të Shqipërisë?? me Bashkimin Europian??, pasi ka për të humbur gradualisht pushtetin e paligjshëm politik, ekonomik dhe mediatik.
18 tetori po afron!”-shkruan Meta.
Reagimi i Metës, vjen pasi së shpejti do të nisin përgatitjet për zgjedhjet e 13 tetorit, por deri më tani opozita nuk ka një qëndrim të qartë për pjesëmarrjen e saj.
Një pjesë e opozitës kërkon të respektojë dekretin e presidentit, ndërsa PD ende nuk ka një qëndrim zyrtar për pëjesëmarrjen ose jo në zgjedhjet e 13 tetorit./ Opinion.al E.Xh.
