Ish-kreu i LSI, Ilir Meta nuk është përmbajtur në akuzat dhe kërcënimet kundër Partisë Socialiste gjatë mitingut të zhvilluar në Tiranë.
Duke përmendur faktin se shqiptarët renditen pas Sierra Leones në dëshirën për të braktisur vendin, Meta tha se në atë shtet ekziston një sëmundje shfarosëse që quhet ‘Ebola’, ndërsa në Shqipëri ebola është ‘Rilindja’.
“Mirë ne Sierra Leone ekziston një sëmundje shfarosëse, por këtu çfarë ka? E kemi edhe ne një sëmundje shfarosëse dhe ebola jonë quhet Rilindje. Ebola jonë është mashtrimi dhe pabesia më e madhe që ka njohur kjo tokë mijëra e mijëra vjet. Viktima e parë e e kësaj ebole është vet PS-ja”, u shpreh Meta.
Meta sulmoi edhe kreun e opozitës, Lulzim Basha, duke theksuar se demokratët kanë nevojë për një udhëheqës dhe jo për një lider që ka vetëm stomak.
