Lëvizja Socialiste për Integrim organizoi një takim me banorë të Sarandës, ku u prezantuan edhe kandidatët për deputetë të kësaj force politike.
Ish-kreu i LSI, Ilir Meta dha garanci se 600 mijë të rinj janë të vendosur që LSI të jetë forcë e parë, ndërsa kërkoi që deri në 25 qershor të bëhen 1 milion.
“Forcë e parë, forcë e paparë, kjo është LSI-ja! Vendimi tashmë është marrë: 600 mijë të rinj e të reja në Tiranë dhe në të gjithë Shqipërinë e kanë vendosur LSI-në forcë të parë! U bëj thirrje të gjithë prindërve të tyre që të bëhen 1 milion deri më 25 qershor në mënyrë që t’i japin një shans të gjithëve, në mënyrë që t’i themi jo një herë e përgjithmonë arrogancës, t’i themi jo një herë e përgjithmonë atyre që janë zhytur në vetkënaqësi nga arroganca dhe egoizmi i tyre dhe kanë harruar hallet dhe problemet e njerëzve të thjeshtë në Saranda në Delvinë, në Konispol dhe në të gjithë Shqipërinë”, deklaroi Meta.
Sipas Metës duke i dhënë votën LSI i japin i japin shansin të gjithëve përfshirë edhe demokratët dhe socialistët që sipas tij nuk e gjejnë veten tek arroganca e dy kryetarëve që i bëjnë listat për deputet pas mesnate.
