Retorikës së kryeministrit Rama që e ka anatemuar disa herë Presidentin Meta si “burri i Monikës”, ky i fundit ju përgjigj sot gjatë konferecës për shtyp. Ai paralajmëroi kryeministrin Edi Rama që të mos e quajë më “burri i Monikës” sepse ndryshe ky do ta quajë “gruaja e Bilalit”.
“Unë këtu jam, unë pres iniciativa të tjera për zgjidhjen e krizës që do t’i mbështes. Kush do që të lahet në pishinë të lahet se verë jemi, por do të marrë faturën për thellimin e kësaj krize. Ose ecim bashkë me Maqedoninë e Veriut ose ngelemi në klasë. Ose hajde bëjmë cirk dhe dalim me çitjane. Nëse duam seriozitet, të vijë këtu. Dhe nëse më thotë më burri i Monikës, do t’i them gruaja e Bilalit. Unë jam President i Republikës dhe nuk më intereson Monika. Monika i ka siguruar fëmijët e saj dhe hallet e saj, por janë tërë ata njerëz që mendojnë të ikin dhe nuk janë vetëm hallexhinj e të papunë, por edhe sipërmarrës dhe intelektualë”, tha Meta. /Opinion.al
