Presidenti Ilir Meta do të dëshmojë sot në Komisionin hetimor të posaçëm në Kuvend, ndërsa deputeti Lefter Maliqi e ka konsideruar këtë një “show mediatik për të diskretituar figurën e presidentit”.
Në një konferencë për mediat nga Kuvendi, Maliqi akuzoi parlamentin se nuk po i shërben interesave të shqiptarëve, duke mos ngritur komisione për problematika që prekin jetët e shqiptarëve por për “show” sic e quajti, për manipulimin e opinionit publik në lidhje me presidentin.
“Parlamenti po diskretiton rolin dhe misionin e tij publik për ti shërbyer interesave të shqiptarëve. Në vend që parlamenti të ulërasë me të madhe dhe të ngrejë komision për emigrimin masiv të shqiptarëve, vjedhjen e votës, krimin, drogën, ngre një komision për presidentin. Kjo që do të dëgjoni sot nga Ulsi Manja i vjedhjes së votave në Dibër është show, diskretitim, manipulim mediatik. Presidenti veproi si burrë shteti, shmangu një përplasje civile. OSBE-ODIHR i bëri nul zgjedhjet moniste të 30 qershorit”, u shpreh Maliqi.
Ndër të tjera deputeti Maliqi i bëri thirrje edhe socialistëve për të ndaluar “këtë aventurë të piktorit dështak që po e çon vendin drejt diktaturës”. /Opinion.al
