Presidenti Ilir Meta mori pjesë në Takimin e 24-të Ndërkombëtar të Berlinit, ku mbajti edhe fjalën e tij në Mëngjesin e Lutjeve. Meta theksoi se Shipëria e shikon NATO-n dhe BE si garancitë më të mira për rendin paqësor dhe të begatë.
“Ne, në Ballkanin Perëndimor e shikojmë NATO-n dhe Bashkimit Europian si garancitë më të mira për rendin paqësor, të qëndrueshëm dhe të begatë, në brendësinë e tyre si dhe në rajonin tonë.” tha Meta.
Kreu i shtetit i bëri thirrje BE-së që të çelë negociatat me Shqipërinë, duke shtuar se qyetarët shqiptarë do të mbeten po aq kërkues sa ç’janë ndaj qeverisë për të përmbushur kushtet për anëtarësim në BE.
“Bashkatdhetarët dhe bashkëatdhetaret e mia presin që negociatat e pranimit me Bashkimin Europian të hapen sa më shpejt, shpresoj këtë muaj, ashtu siç dua t’ju siguroj se ata mbeten po aq kërkues edhe ndaj qeverisë së tyre që ajo të përmbushë detyrimet e të kryejë punët që i takojnë”, – tha Presidenti Meta ne fjalën e tij. /Opinion.al
